Síðan tekin í notkun

Sæl öll.

Þá höfum við ákveðið að taka siðuna í notkun aftur þar sem það styttist í næsta hitting okkar en við verðum 25 ÁRA GAGNFRÆÐINGAR á næsta ári.  Ótrúlega skrítið þar sem við erum ekki deginum eldri en 25 í dag.....
Gaman væri nú að fá smá fregnir af ykkur? T.d. hvar þið eruð stödd í heiminum, að gera hvað eða bara það sem ykkur liggur á hjarta :-)

 Kveðja, Ingunn

Athugasemdir

[Sólveig (IP-tala skráð) 6.3.2011 kl. 17:05]

Takk fyrir það!

Ég hefði gaman að því að frétta hvað fólk er að bauka við.

Af mér er það að segja að ég er að ljúka MA-námi í Þýðingafræði í sumar og stefni á að hefja doktorsnám í haust sem ætlunin er að ljúka fyrir fimmtugt á sviði verklegra handritarannsókna þ.e ekki út frá málfræði heldur vinnslu og ýmsum aðferðum (markmiðin voru nefnilega BA fyrir fertugt, MA fyrir fimmtugt og Dr. fyrir sextugt).

Annars bý ég í Heimunum í borginni með kisu og krakka (4 ára syni) vinn og hef unnið frá 1997 á Landsbókasafni Íslands Háskólabókasafni (Þjóðarbókhlöðunni)  Ég fór út eftir stúdent til Ítalíu og tók svo Bókasafns- og upplýsingafræði og fór að vinna. Á sumrin fer ég oftast nokkra hringi í kringum landið með ítalska ferðamenn og reyni að segja þeim eitthvað gáfulegt.

Bestu kveðjur, Sóla.

[Steinunn (IP-tala skráð) 6.3.2011 kl. 17:18]

Jeyy frábært að starta þessu spjalli aftur. Get ekki verið meira sammála þér Ingunn um að við séum bara 25 enda með eindæmum unglegt fólk hér á ferð ;)

Ég bý í borginni ásamt syni mínum og er að starfa hjá Heilsu við sölu- markaðsstörf og fræðslu, hef ekki ennþá ákveðið hvað ég ætla að verða þegar ég verð stór enda á ég mörg ár eftir ;)

Gaman að heyra hvað fleiri eru að bauka.

Kveðjur,

Steinunn))))

[Hafdís Grétarsdóttir (IP-tala skráð) 6.3.2011 kl. 20:06]

Hæ HÆ gaman að heyra í gömlum félögum

Flott hjá þér Sólveig gott að hafa takmark(mörk) í lífinu , gangi þér vel.

Af mér er ýmislegt að frétta ,eins og einhverjir muna þá var ég með bumbubúa á síðasta hittingi í ágúst það ár(2007) leit hann Óðinn Bragi dagsins ljós og ekki nóg með það heldur bættist svo hann Úlfur Ingi í heiminn í júní 2010. svo nú er ég komin með fjögur börn. Ofan á þessa barna mergð byrjaði ég í kennslufræði og kláraði í júní 2010 ( fékk útskriftarskírteinið á fæðingardeildina) . Í dag starfa ég sem kennari við Hársnyrtiskólann ( Tækniskólann) og hef starfað þar í 3 ár. Nú er bara að bíða eftir að litlu drengirnir stækki örlítið svo ég geti haldið áfram að læra master í kennslufræðurm heillar með áherslu á fullorðinskennslu. '

Ég bý ásamt manni og þremur börnum í Grafarvogi, elsti fuglinn flogin úr hreiðrinu. eina gæludýrið er lítil mýsla sem kíkir stundum í heimsókn við mikla kátínu hans Óðins Braga.

Hlakka til að heyra frá öðrum.

Kv Hafdís