19.maí 2007

Húsið opnar klukkan 19:30.

Mótið sett klukkan 20:00.  Skálað verður í kampavíni/sprite (verður á staðnum).  Kampavínið er í boði Vífilfells. Teknar myndir af bekkjunum og fleira skemmtilegt.  Fólk er beðið að mæta stundvíslega.

Borðhald hefst að þessu loknu, en eins og áður sagði er það kalt, margrétta hlaðborð sem Sölvi Hilmarsson reiðir fram.  Boðið verður upp á grafinn lax, kryddsoðinn lax, rostbeef, kjúkling og bajonskinku ásamt tilheyrandi meðlæti. Með þessu rennir hver og einn niður þeim drykk sem hann kann best við og hefur það með sér að heiman.  Engir drykkir (fyrir utan fordrykk og rennandi vatn) verða á staðnum.

Meðan á borðhaldi stendur er dregið í happdrætti en þar er glæsilegur vinningur í boði Rannveigar og Bros.  Þá verða veitt verðlaun til þeirra bekkja sem eru með bestu mætinguna og stóðu sig best í kvittukeppninni.  Fleiri verðlaun verða veitt en ekki upplýst hver þau eru fyrr en þar að kemur.

Þeir sem vilja halda ræður eða vera með skemmtiatriði er það frjálst. 

Eftir að borðhaldi líkur, mun Þórir Jóhannsson plötusnúður þeyta skífum og sjá um stuðið fyrir okkur.

Klukkan 02:00 verður rútuferð á Selfoss í boði Benna og Guðmundar Tyrfingssonar.  Þegar á Selfoss er komið eiga einhverjir án efa eftir að halda áfram að skemmta sér!

Vegna góðrar þátttöku er hægt að lækka aðgangseyrir niður í 5.000 krónur.  Leggja þarf inn á reikning 586-26-717171 kt. 250271-4769 í síðasta lagi þriðjudaginn 15. maí.

 

Nefndin er að deyja úr spenningi að hitta alla, þetta verður brjálað stuð

 

Makar eru velkomnir á miðnætti!